Ban ke kaajal ankhiyon me

Ban ke kaajal teri ankhiyon me,reh jaane ko ji karta hai
katra ban ke ashq ka,kabhi unhi ankhiyon se,beh jaane ko ji karta hai

Bhula ke sab ishq-o-wafa, tujhse door, hat jaane ko ji karta hai
Bikhar kar tukdo me,kabhi tujhme,simat jaane jaane ko ji karta hai

Jism tera chandan ke shajar sa,shaakh sa kat jaane ko ji karta hai
kabhi tujhpe bhujang sa lipat jaane ko ji karta hai

Aarzoo umr-e-daraz ki karte hai kabhi,
tere pehlu mein kabhi mit jaane ko ji karta hai

Kya kahu `aazad` ishq tujhse kitna karta hai
kabhi tere sang jeene,kabhi mar jaane ko ji karta hai

Saansein chal rahi hai meri

nahi samajh me aata aajkal yeh kaise hai bayaar aayi
hai mausam garm ,ya hasraten jal rahi hai meri
jeeney ki aarzoo dil ke tootney ke saath chali gayi
na jaane phir bhi kyon saansein chal rahi hai meri

Tumse rootha tho kaha jaaonga

Tera ishq falak se kam tho nahi
tuta jo falak se tho shihaab sa jal jaaoonga

Jal ke girtey girtey bhi,teri duniyo ko
kuch palaon ke liye hi sahi,roshan kar jaaoonga

Farsh tak pahoochtey pahoochtey,nahi maloom
Zinda rahoonga ki mar jaaoonga

Mar gaya tho yakeenan `aazad` jannat jaaoonga,gar bach gaya
tho kashaakash hogi,ki tumse, rootha tho kaha jaaoonga.

(Our first reconciliation )

(translation available in comment)